Туннэ Чечы Спас

    Туннэ чечы спас 1

    Удмурт калыклэн но мушкан — одӥгез  вашкалаез ужан удысэз.  Удмурт вазиське мушъёсызлы соосты сӥлы карыса,  муш ӧтён гуреныз.  Озьы, со либатыны тырше та пичи гинэ бурдо нымыез, чечызэ адями понна тросгес мед люкалоз шуыса.  Кырӟаллязы удмуртъёс та гуръёссэс муш поттэм,  яке  нырысетӥ чечыез кыскемзы бере, иськавын-бӧлякез утялтыкузы.

    Чечыез нимысьтыз сӥлы каризы «Гуртфестын». Отын нимысьтыз площадка кылдытэмын вал ческыт сиёнлы. Вуэмъёс Чечы Спас празднике но пыриськыны быгатӥзы.

    «Кӧня мушкасьёс шаерамы нокин вераны уз быгаты, статистика но улон лыдпусъёс пӧртэммесь луозы, — вера Вавож ёросысь Зямбай гуртысь мушкась Владимир Елышев. — Уго, 1-2 уморто возисьёс но — мушкасьёс ини».

    Солэн верамезъя, мушъёсын вырыны нырысь ик яратаны кулэ мушъёсты, собере соосты тодыны кулэ.

    Туэ гужемлэн кутсконэз мушъёслы чечы люкан понна капчи ӧй вал — кезьыт но зоро улӥз, — пусъё мушкась`с. Но борысь куазь тупатскиз — чечы тырмыт люкамын. Со мылкыд карисьёслы кӧттырымон луыны кулэ.

    http://www.myudm.ru/