Туннэ 100 арес тырмысал быдэс дуннелы тодмо луэм конструкторлы Михаил Тимофеевич Калашниковлы
Туннэ ик усьтӥськизы Ижысь М. Т. Калашниковлэн музейысьтыз выльдэм экспозициосыз: учкисьёс табере тодматскыны быгатозы выль адӟытонъёсын — «Калашников: траектория судьбы», «Калашников: для охоты и спорта», «Оружие эпохи Калашникова».
Уноез соос учкисез гочатон понна интерактивной, уката таӵе выль луонлык кельше нылпиослы. Озьы ик ужрадын возьматэмын вал танклэн макетэз. Угось М. Калашников Быдӟым ож вакытэ танкист вал, зол сӧсырмыны шедиз.
Данъян ужрадэ пыриськизы М. Калашниковен ӵош ужам адямиос, дано оружейникъёс, кун ёзъёсысь кивалтӥсьёс. Кызьы вераз музейлэн кивалтӥсез Ольга Минервина, музее кылем ар куспын вуылӥз 160 сюрслэсь ятыр адями — учкисьёслэн лыдзы арысь аре йылэ. М. Т. Калашниковлэн данэз уз кысы дауръёсын, пусйизы выльдэм музеез усьтонэ пыриськемъёс.