«Тулкым» лагерь смена ӧсъёссэ усьтӥз

«Тулкым» лагерьын нырысетӥ нуналъёсысеныз ик улон пӧзьыны ӧдъяз. Кылсярысь, мастер-класс ортчытӥз ини дизайнер Надежда Касаткина. Выль ужъёс пӧлын ик дизайнерен малпам дӥсь мертан, фотосессия.

Туэ «Тулкым»  лагерь 6-тӥзэ пиналъёсты люказ. Куронъёс уг воштӥсько – татчы 10-ысен 16 аресозь гуртын улӥсь удмурт пиналъёсты басьто. Но соин ӵош воштӥське лагерьлэн пуштросэз.

«Аазьло милям творческой отрядъёсмы вал, – шуэ лагерьлэн кивалтӥсез Лариса Ускова, – нош али ми турттӥськом пыртыны профориентационной оръёсты. Кылсярысь, туэ милям нырысетӥ эмъюрттэт сётонъя ортяд ужа. Пиналъёслы туж кельше, синъёссы ик ӝуало».

Нырысетӥ эмъюрттэт сётонъя сяна, эшшо 4 отряд, со: видео лэсьтон, sмм, театр но  хореография.

«Тулкым»  азьло аръесы сямен ик 10 нунал кыстӥськоз.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий