Тукля выжылы сӥзем инты кылдытӥське Ува ёросын

Ас дыраз ёросын Тукля выжыысь 35 гуртъёс вылэм, жаляса верано луэ, туннэ нуналлы соос пӧлысь ӝыныез быризы ини. Тукля выжылы сӥзем инты кылдытон ужез культура удысын тыршисьёс огазе кариськыса гинэ быдэстыны быгатозы.

«Тукля выжыез паськыт возьматэм потэ. Ми кибашлыосынымы кыӵе ке ужрадъёс, адӟытонъёс радъяськом ке, одно ик Тукля выжыен герӟаськем арбериос поттыны тыршиськом. — вера Геннадий Сидоров. — Озьы нырысьсэ 2012-тӥ арын Тукля воршудлы сӥзьыса ортчытӥм вал ужрад. Отын вӧсяськон сямез улӟытим, бырем гуртъёслы сӥзем синпелет усьтим. «Туклявыл» праздникмы но арлы 2 пол ортчылэ пӧртэм гуртъёсын. Нырысетӥез ми дорын ортчиз, кыкетӥез – Вуж Туклялан, собере – Мултанын. Вуись аре, мон малпасько, мукет гурт азьланьтоз. Нош татын Узей Тукляын  выжылэн шорсюлмыз луыны кулэ. Со понна пуктӥм ини куала. Отын вашкала йылолъёсмы утиськозы. Азьпалан турист центр кылдытом».

http://www.myudm.ru/