Туэ Дэбесын «Зарни-ё перепеч, табань но пельнянь» фестиваль улосвылкуспо луоз

Кылем арын, нырысетӥяз ужрадын, ёросысьтызы гинэ предприятиос, культура удысысь коллективъёс пыриськизы ке, туэ со улосвылкуспо луоз ини.

Али вазиськонъёсты кутон мынэ. Дэбесэ лыктыны мылкыд каремзэс веразы ини Удмуртиысь сяна, Татарстан, Киров, Пермь улосвылъёсысь коллективъёс.

Кылем арын вожвылъяськонын 30 пӧртэм перепеч пӧрамын вал. Дэбесъёс оскыто — ёроссы перепечлэн вордӥськем интыез.

«Дэбесын гинэ зарни пырыосын перепеч сиё, — шуэ Дэбесысь лулчеберетъя но туризмъя «Сибыр сюрес» центрысь ӧнерчи Алексей Тронин. — Туж трос пумо пушкесэн сое пыжо: чорыген, губиен, пӧртэм турын-куарен, сӥльын. Сӥльын гинэ но пӧртэм пумо луэ перепечмы».

http://www.myudm.ru/