Туала удмурт гожъясьёслэсь книгаоссэс сьӧре поездэ кутыны луоз

Туннэ, 4-тӥ гудырикошконэ, Ижкарысь чугун сюрес вокзалын лыдӟетъюртлэсь «Удмуртилэн электрон библиотекаез: сюрес вылын лыдӟон книга» ӵектоссэ сӥё-дано усьтозы. Солэн ужпумез — пӧртэм аръёсы Удмуртиын потэм книгаосты калыке вӧлмытон.

Ижкарысь чугун сюрес вокзаллэн юртаз нимысьтыз тумбаос пуктэмын луозы. Отысь QR-кодъёс пыр «Удмуртилэн электрон библиотекаез: сюрес вылын лыдӟон книга» проектысь книгаосты смартфонэ но планшетэ дунтэк кыскыны луоз.