Трокай Борисовлы вордӥськемез дырысеныз 125 ар тырмиз
Трокай Борисовлэн синпелетэз дорын люкаськемъёс пӧлын тросгес вал егитъёс.
Кызьы шуэ «Удмурт кенеш» огазеяськонлэн кивалтӥсез Татьяна Ишматова, туннэ ужпум пуктэмын – егитъёс тодыны кулэ асьме удмурт азьветлӥсьёс сярысь. Соин ик Трокай Борисовез тодэ вайыса ортчо ужрадъёс эмакадемиын, К.Герд нимо гимназиын. Пиналъёслы асьсэ дышетсконниосазы Трокай Борисов сярысь фильм учкон но радъямын вал.
Синпелет дорын гимназиысь пиналъёс Трокай Борисовлэн творчествоезлы, пӧртэм ӧръёсын вамышъёсыз сярысь асьсэ докладъёссэс лыдӟизы. Эм академиысь студентъёс — медицина удысын тодэ ваёнъёссэ, со вакытэ сюлмаськытӥсь ужпумъёс сярысь.