Удмурт тодосчилэн Ранус Садиковлэн «Традиционная религия закамских удмуртов (история и современность)» нимо книгаез потӥз

Книгаын архив документъёсъя но авторлэн пӧртэм интыосын улӥсь камсьӧр удмуртъёс доры ветлыса люкам материалъёсызъя камсьӧр удмуртъёслэн оскон сямъёссы, йылолъёссы эскеремын, христианствоен но исламен кусыпъёссы возьматэмын. Та книга тупатъям но ватсам материалэн авторлэн та темая кыкетӥ монографиез луэ. Азьвылэз издание 2008-тӥ арын «Традиционные религиозные верования и обрядность закамских удмуртов» нимын потӥз. Вить главаосын пыр-поч эскерисько осконэн герӟаськем ужпумъёс. Вылбамаз пуктэмын Янаул ёросысь Вотская Ошья гуртысь луд, бербамаз — Татышлы ёросысь Выль Татышлыысь вӧсяськон инты. Книгаез ПДФ-форматэн Вконтакте вотэсбамысь «Выжыгерд» группаысь лыдӟыны луэ, кудзэ нуэ Ранус Садиков.

ивор басьтэмын oshmes.rbsmi.ru сайтысь