Томск улосвылын улӥсь удмуртъёс Гербер ортчытӥзы

Ужрад арлы быдэ инвожно пумын радъяське. Озьы палэнын улӥсь ӵыжы-выжыосмы огазе люкаськыса йӧскалык сям-йылолъёсты чаклало но утьыны тыршо.

«Туж шуныт пумитазы милемыз, – шуэ Шаркан ёросысь Зюзя клублэн кивалтӥсез Татьяна Хохрякова. – Туж паймим,  кылем даурын кыдёке Сибире кошкем удмуртъёс туннэ нуналын но утё удмурт культураез шуыса. Соос гажало, тодазы возё удмурт калык кырӟанъёсты, туала удмурт кырӟанъёсты но быдэсто соос».

Люкаськемъёс понна бадӟым шулдыръяськон программа дасямын вал. Асьсэлэсь быгатонлыкъёссэс возьматӥзы интыысь коллективъёс, киужъёссэс ӵектӥзы усточиос.

Уката но трос учкисьёсты люказы валэн бызьылонъёс. Тунсыко ортчизы турнасьёс но пукыӵен ыбылӥськисьёслэн вожвылъяськонъёссы.

Праздниклэн куноосыз веръяны быгатӥзы удмурт сяна, бигер, чуваш, узбек, молдаван но ӟуч пӧрамъёсты.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий