Тодмо луизы Ашальчи Оки нимо йӧскалык премилэн лауреатъёсыз

Лауреатъёсты юнматӥзы «Удмурт кенеш» огазеяськонлэн исполкомезлэн ёзчиоыз. Пумиськонын озьы ик «Удмурт кенешлэн» ӧтчамез пумысен кенешон мынӥз. Та пумысен малпанъёссэ шараяз Валентин Тубылов. Со ужрадэз яркытгес, выль амалэн ортчытыны ӵектӥз. «Уго, асьмеос туэ Удмуртия кунлык басьтэмез дырысен 100 ар тырмонэз пусйиськом» — валэктӥз Валентин Кузьмич.
Озьы ик кенешонын кылпум кутэмын вал исполкомлэсь эшшо одӥг заседанизэ радъяно шуыса. Таяз радэ ини пӧртэм удысъёсъя министръёсты ӧтчаса. Вуоно пумиськонын Удмурт лулчеберетъя центрез усьтон но Удмуртилэсь 100 ар тырмонзэ пусъён сярысь кенешыны чакламын.