Татарстанысь удмурт общиналэн кенешез ортчиз

Делегатъёс пыр-поч тодматӥзы бигер шаерын удмурт культураез азинтонъя пуктэм ужпумъёсынызы, лэсьтэм ужъёсынызы. Шумпотымон, ортчем арын ужзэс мытӥзы 3 каръёсын удмурт огазеяськонъёс: Нижнекамскын, Мамадышын но Агрызын. Выль кылдэм огазеяськонъёслэн кивалтӥсьёссылы та пумиськон ужан амалъёсын тодматсконъя пайдаё луиз.

Ортчем ар чоже муниципал автономиос 50-лэсь трос ужрадъёс ортчытӥзы. Соос пӧлысь пусйымон: Балтач ёросысь Шор Кушкет гуртын ортчытэм «Гырон быдтон», нылпи садъёс куспын радъям «Мудорвай» конкурс но трос мукетъёсыз. Со сяна Агрыз ёросысь «Инвис» ансамбль Петрозаводскын ортчем конкурсын удмурт лулчеберетэн тодматӥз, Менделеевскысь «Возжайка» но «Тэремшур» Москваын ортчытэм «Гербер» празднике пыриськизы.

2017-тӥ арын пусйем ужрадъёс пӧлын удмурт этнокультурая лагерь. Со ужалорз пӧсьтолэзе 8-10-тӥ классъёсын дышетскисьёс понна. Со сяна Казаньысь воскресной школаын удмурт класс кылдытыны чакламын.

Кенешын пусйизы: «Вань быдэстоно ужъёсты пуктоно озьы, нылпиосмы но асьмемын ӵош мед данъяськозы асьмеос удмуртъёс шуыса. Ваньмы тодыны кулэ, Татарстанын вань выжы калыкъёс ог-огенызы ӟеч кусыпъёсын уло шуыса».

Кенешын 2017-тӥ арын «Гырон быдтон » шулдыръяськонлэсь ортчытон дырзэ но интызэ юнматӥзы.