Татарстанысь удмурт егитъёслэн «БиГерд» форумазы 70 пала адямиос люкаськизы

Ӧтем куноос пӧлын Татарстанысь Президентлэн Департаментысьтыз йӧскалык политикаез улонэ пыӵатонъя Управлениезлэн кивалтӥсезлэн воштӥсез Евгений Ефремов, Татарстанын улӥсь удмуртъёслэн йӧскалык лулчеберетъя  автономизылэн правлениезлэн кивалтӥсез Андрей Герасимов, удмуртъёслэн автономизылэн директорез Марина Иванова, Балтаси ёросысь удмуртъёслэн автономизылэн кивалтӥсез Владислав Никитин.

«БиГерд» форумын уж 4 ӧръёсъя радъямын – творчество, спорт, этноблогинг но дизайн.

Творческой ӧрын егитъёс йӧскалык дӥськутэз, диалектэз но уйпал но лымшор удмуртъёслэсь эктонъёссэс эскерозы.

Этноблогинг ӧрын иворез волмытонъя удмурт сӧзнэтэн тодматскозы, асьсэлэсь блогзэс нуыны но мерлыко вотэсбамын постъёс гожъяны дышетскозы.

Спортъя ӧрын «Гырон Быдтон» шулыдръяськонын йӧскалык шудонъёсты дасяны но радъяны дышетскозы.

Нош дизайн ӧрез радъясь арт-объектъя проект кылдытӥз. Со вӧзын куноос туспуктэмъёс лэсьтыны быгатозы.

Форумлэн тужгес яркыт пумиськонэз луоз мадьяр шаерысь вуэм Жофи Сиракиен. Со Удмурт кун университетын венгри кылэз дышетэ.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий