Татарстанын улӥсь выжы калыкъёслэн егитъёссылэн Ассамблеязылэн ужаз удмуртъёс мыло-кыдо пырисько

    Татарстанын улӥсь выжы калыкъёслэн егитъёссылэн ассамблеязылэн ужаз удмуртъёс мыло-кыдо пырисько 1

    Entermedia –лэн одӥгаз выпусказ удмуртъёс сярысь верамын. Ивортон сётэ Татарстанысь егит удмуртъёслэн автономизылэн кивалтӥсез Марина Иванова.

    Бигер шаерысь удмуртъёс Татарстанын улӥсь выжы калыкъёслэн егитъёссылэн Ассамблеяязы нырысетӥосыз пӧлын пыризы. Пумен егитъёс кыстиськизы солэн ужаз. Ассамблеялэн со ик валтӥсь мугез – азьветлӥсьёсты люкан луэ.

    «Туннэ нуналлы уж рос-прос мынэ, — шуэ Марина Иванова. – Удмурт егитъёс ӧртэм ӧръёсъя ужаны тыршо. Милям вань ини фольклор ансамбльмы. Соин кивалтэ Павел Александров. Со сяна Мария Бочкарёва кивалтэм улсын эстрадаез но азинтӥськом. Ми азьын туж бадӟым ужпум сылэ. Пичи вамышъёсын ке но, ми азьлань мынӥськом. Котырамы чырмыт, мыло-кыдо, дӥсьтись егитъёсты люкаськом, кудъёсыз данъяськыса асьсэды «ми —  удмуртъёс» шуыны быгато».

    2 толэзь талэзь азьло Татарстанын улӥсь выжы калыкъёслэн егитъёссылэн Ассамблеяязы КФУ UFM — Russian International Voice радиоен ӵош выль проектэз улонэ пыӵатыны кутскизы. Асэстэмын со Германиысь «Крэкс» радиолэн ужысьтыз. Немец шаере Татарстанысь егитъёс, соос пӧлын удмуртъёс но, обменъя вуылизы. Бертыса со ужез ас шаеразы мытӥзы. Та дыр ӵоже 7 кылъёсын радиоэфиръёс чузъяськизы ини. Кылзӥсьёс трос – вань соос Австралиын но. Удмурт кылын радиоверанъёс эфире пото котькуд вирнуналэ 17 часын.