«Татар кызы-2019» вожвылъяськонлы дасяськыны кутскизы Удмуртиын

Кызьы шуиз министр, кылдытэмын ужась группа. Ужрадэз ортчытон бордын тыршозы лулчеберетъя но йӧскалык политикая министерствоосысь, Калыкъёслэн Эшъяськон юртысьтызы но Егитъёстэн юртысьтызы ӧнерчиос.

«Тулыспал пумын яке южтолэзь кутсконын «Татар кызы» вожвылъяськонлэн дирекциысьтыз Табрис Яруллин вуоз. Ужрад пумысен оргкомитет ортчытом», – шуиз йӧскалык политикая элькун министрлэн воштӥсез Людмила Соковикова.

Владимир Соловьёв пусйиз: «Удмуртиын туж быгатыса ужа егит бигеръёслэн «Иман» огазеяськонзы. Солэн азьветлӥсьёсыз ик 2011-тӥ арын «Татар кызы» конкурсэз ортчытыны кичӧлтон сётӥзы. Соослэн табере ужрадэз дасянъя бадӟым тодонлыксы».

Туэ конкурслэн финалэз 5-тӥ оштолэзе ортчоз кун филармониын. Нош калыккуспо «Татар кызы — 2019» вожвылъяськонэз пумиталоз Ижкар 27-тӥ куарусёнэ.

Тодады вайытом, кылем арын шуркынмонэ ортчем калыккуспо вожвылъяськонын вормиз Ижкарысь кун эм академиын дышетскись Диляра Гильмутдинова. Соин валче туэ конкурс Ижкарын ортчытӥське.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий