«Татар кызы — 2017» калыккуспо конкурслэн финалаз пыриськоз Удмуртиысь Назлыгуль Насирова

Соос ваньзы Казаньын ортчем бырйён тур пыр потизы. Удмуртиысь вожвылъяськонэ пыриськоз Назлыгуль Насирова.  Бигер Чеберай Ижкарысь эм академиын дышетске.

Нош нырысь-валысь Назлыгуль Насирова туэ 16-тӥ оштолэзе Ижкарын чеберлыклы сӥзем «Татар Кызы» конкурслэн финалаз вормиз. Соку Удмуртиын улӥсь 10 бигер нылъёс чебер, визьмо, котьмалы быгатӥсь луэменызы вожвылъяськизы.

Тодады вайытом, конкурслы дасяськон 5 толэзь ӵоже кыстӥськиз. Арнялы одӥг пол нылъёс пӧртэм мастер-классъёсы пырискизы. Соосты кырӟаны, эктыны, сцена вылын чебер ветлыны, пӧраськыны дышетӥзы.

Соку басьтэм тодон-валанъёсыз но волятэм  быгатонлыкъёсыз Назлыгуль Насировалы Ижкарын вормыны но Казаньын финалэ шедьыны туж интыяз луизы.

Ватсаса: нырысьсэ «Татар Кызы» конкурс Челябинскын 2010-тӥ арын ортчиз. 2015-тӥ арын со федерал уровене потӥз. Нош ар ортчыса калыккууспо инъет басьтӥз.