«Тангыра» фестиваль ортчоз Удмуртиын

Отчы Башкирысь, Марий-Элысь, Мордовиысь, Чувашиысь, Татарстанысь но Удмуртиысь коллективъёс пыриськозы,  нош со финн-угор, славян, тюрк, кавказ калыкъёслэн творческой коллективъёссы.

«Возьматэммы потэ пӧртэм калыкъёслэсь культуразэс, сям-йылолъёссэс. Ваньзэ сое артистъёс асьсэлэн кырӟанъёссы пыр возьматозы», — вера Ижкарысь калыкъёслэн эшъяськон юртысьтызы ӧнерчи Любовь Широбокова.

Фестивальлэн программаяз «улэп» крезьгурен возьматонъёс, мастер-классъёс, кино возьматонъёс, дизайн-маркет но быгатонлыкъёсъя мастерскойёс.

Ужрад “Тангыра зовёт нас” перформансэн  усьтӥськоз. Сое возьматоз этнофутуристъёслэн “Далай-Булай” оркестрзы.