Табань пыжонын вожвылъяськизы Вотка ёросын

    Табань пыжонын вожвылъяськизы вотка ёросын 1

    Табань – удмуртъёслэн яратоно сиёнзы. Сое праздникъёсы яке куноослы шуыса пыжо пӧртэм сямен: вылаз сӥль, чорыг, кукей вӧлдо, зыретэн зырало.

    «Кема аръёс фестивалямы ёросамы улӥсьёс гинэ пыриськылӥзы, — вера Кукуи муниципал кылдытэтлэн тӧроез Елена Вострикова. – Туэ 2-тӥзэ ми сое ёроскуспо шуыса нимаськом. Лыктӥзы Шаркан, Пичи Пурга ёросъёсысь коллективъёс, Вотка карысь куноос. Котькуд ар праздникмы паськытгес луэ: тросгес вожвылъяськонъёс, мастер-классъёс пыртӥськом».

    Туэ «Шудо-табань» праздник улсын удмурт кырӟанъя « Ошмес гур»  конкурс, коллективъёслэн но нимаз кырӟасьёслэн «Эрико микрофон» концертсы, семьяос куспын «Бускельёс» вожвылъяськон, егит нылъёс куспын «Чеберинка-2019» конкурс ортчизы.

    Мыло-кыдо ортчиз табань пыжонъя конкурс. Отчы пыриськизы Вотка ёросысь 12 муниципал кылдытэтъёслэн тӧрооссы. 2 гуръёс котырын, кытын мынӥз вожвылъяськон, уно «висисьёс» но веръяны мылкыд карисьёс люкаськизы. Быръемын вормись. 2конкурсъёслэсь лыдпусъёссэс лыдэ басьтыса, ваньмызлэсь трос баллъёс люказ Кукуи муниципал кылдытэт.