Та нуналъёсы Ульяновскысь удмуртъёс Войдыр праздникез пусъё

Праздникез покчи арняе кутско но вордӥськонэ йылпумъяло.
 
Но дасяськыны вирнуналэ ик, 1-тӥ южтолэзе кутскизы: нянь пыжизы, мукет сиён-юон дасязы, сур позьтӥзы, мунчоын мисьтӥськизы.
Покчи арняе ӵыжы-выжыоссы доры куное ветло, куноясько. Ӝӧк вылын валтӥсь сиён соку юача но шекера луо.
 
Удмурт арняе кыткем валъёсын, куаэн, салазкиен ворттыло.
 
Кӧснуналэ пӧртэм шудонъёс радъяло, театр возьматонъёс ортчыто.
 
Нош арня нуналэ вашкала сямен «сурен шуккон» йылолэз ортчыто, озьы шайтанъёсты улляло. Гурт сьӧрын бадӟым тылскем ӝуато, пыӵалэн ыбылӥсько.
 
Озьы ик коркась корка ветлыса капка борды шальыосын шуккыло но туж зол кесясько.
 
Нош туала вакытэ тылскем интые Ульяновскысь удмуртъёс фейерверкъёс лэзьяло но хлопушкаосты уже куто.