Сюрногурт муниципал кылдытэтын шулдыръяськизы

Ужрад 3 площадкаосын мынӥз:

– Смольники гуртын старообрядчестволэн историезъя юрт-музей усьтӥзы.

Куноосты гуртоос нянен сылалэн пумитазы. Старообрядчестволэн историеныз, лулчеберетэныз, сям-йылолъёсынызы тодматӥзы. «Чепагорка» ансамбльзы сярысь мадизы.

– Наговицыно но Ирым гуртъёсын пӧртмаськизы.

Ирым гурт кузя кырӟанъёсын, эктонъёсын ортчизы. Куное пыразы Светлана Ложкина доры. Со куноослы пӧртмаськон но тунаськон сярысь вераз.

Нош Наговицыноын куноосты пумитаз Галина Рылова – «Золотая подкова» турбазалэн кузёез. Пӧртмаськисьёс татын валъёсын ворттылӥзы, калык шудонъёсын шудӥзы, Галина Рыловалэн музеяз пыразы.

– Сюрногурт клубын Валерий Саляхов но Лидия Рогожина концерт возьматӥзы, Надежда Конышева аспӧртэм кылбуръёссэ лыдӟиз.

Клубын ик вож кыз котырын кырӟаса бергазы.

«Таче ужрадъёсын учкисьёс уг  луо. Котькудӥз – я нылпи, я арлыдо – шулдыръяськонэ пыриське. Валтӥсез – таӵе ужрадъёсын адямиос ӟуч лулчеберетлэсь узырлыксэ, ӟеч палзэ ас вылазы кыско» – гожтэмын вотэсбамын.

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий