Сюмси ёросысь пиналъёс удмурт мультфильм дасяло
Сюмси ёросысь Гура школаын «Удмурт Выжыкыл» проект улонэ пыӵа. Со улсын пиналъёслы удмурт но ӟуч выжыкылъёсъя мультфильм лэсьтон понна студия кылдоз.
Проект улонэ пыӵа Приволжск федерал округысь граждан обществоез азинтонъя фондлэн юрттэменз. Гураос грант утӥзы iВолга форум дыръя.
Школаын уж огыр-бугыр мынэ ни: иналъёс дышетӥсьёсынызы ӵош студиез дасязы, выжыкыл бырйизы, пластилин, альбомъёс, картон, фотоаппарат басьтӥзы.
21-тӥ тулыспалэ, Анай кыллэн калыккуспо нуналаз, пиналъёслэсь емышсэс вотэсын дунъяны луоз ни.