Сыктывкарын Россиысь финн-угор калыкъёслэн ӧтчамзы ортчоз

Сыктывкарын россиысь финн-угор калыкъёслэн ӧтчамзы ортчоз 1 Иворъёс

Удмуртиысь делегацие пыре «Удмурт нылкышно кенеш» огазеяськонлэн тӧроез Надежда Степанова.

«Котьку сямен конгрессын ужалоз нимысьтыз кыллы но дышетонлы сӥзем секция, — вера Надежда Степанова. — Мынам пыриськеме потэ солэн ужаз. Тодматскеме потэ дышетон удысын выль ужан амалъёсын, сое ми ужамы мед кутыны быгатом шуыса».

Удмурт нылкышно кенеш выллем нылкышно движениос котькуд финн-угор улосъёсын вань. Конгресс – усто площадка одӥг ужез нуисьёсын пумиськыны, кенешыны.

«Конгрессын пумиськеме потэ соослэн кивалтӥсьёсынызы, — азьтланьтэ Надежда. — Мынам кемалась малпанэ — сетевой фин-угор ӵектосмы мед азинскоз. Нимзэ но малпай ни – «Сям-йылолъёсты утисьёс». Ӵапак нылкышноос сям-йылолъёсты утисьёс луо. Конгрессын мон верало семьяен ужан амалъёсмы сярысь: анайёсын, нылпи садъёсын, муниципал кылдытэтъёсын. Огъя, кызьы валче кариськыса азьланьтӥськом удмуртлыкмес».

http://www.myudm.ru/

 

 

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов