«Шундыкар» ужзэ азьланьтэ

Лагерьлэн валтись ужпумез – усточи нылпиослэсь быгатонлыкъессэс волятон но усьтон.

Туэ «Шундыкарлы» 25 ар тырме, чапак та юбилейлы сиземын луоз быдэс смена. Пиналъесын ас удысазы зэмос онерчиос ужалозы, нуналлы быдэ дышетсконъес нуозы. Котькуд оръя нылпиослы трос тодон-валанъес сетисько. «Шунды» огазеяськонлэн кивалтисезлэн А.Черновалэн верамезъя, 9 нунал куспын нылпиослэн портэм оръесъя дышетскыны луонлыксы кылдоз, йылпумъян лэсьтиськоз берпумети нуналаз.