«Шундыберган» лагерь ужаз Балезино ёросын
Шор но бадӟым классъёсын дышетскись 40-лэсь ятыр нылпиос доры вуылӥзы пӧртэм ӧръёсысь ӧнерчиос. Соос ужъёсынызы тодматӥзы, выль тодон-валанъёс сётӥзы. Кылсярысь, УдГУ-ысь филологъёсын, этнографъёсын пумиськон ортчиз. Со сяна пиналъёслэсь мылкыдъёссэс туала шудонъёсын бугыръязы. Нунал ӵоже гуртлэн историезлы сӥзем квест радъяськиз.
Азьло аръёсы «Шундыберган» Балезино ёросысь удмурт кылэз дышетӥсь нылпиослы сӥзем олимпиада амалэн радъяськиз. Туэ нырысьсэ лагерь ортчытыны малпазы.
«Капчи ӧвӧл ке но, ужмы пӧрмиз, — шуэ Балезино ёросысь Исак школаысь дышетӥсь Галина Поторочина. — Пиналъёс шумпотэмын таӵе лагерьлы. Соослэн огпол но таӵе ужрадъёсы пыриськемзы ӧй вал».