«Шудком» визьбур клублэн куинетӥ сезоназ нош ик вормиз «Валамон-Паримон» команда

19-тӥ толсуре Ижкарын «Шудком» удмурт визьбур клублэн куинетӥ сезонэзлэн берпуметӥ шудонэз ортчиз. Ужрадэ 17 команда пыриськиз.

Бӧрсьысь куинетӥзэ «Шудком» кубокез утӥз «Валамон-Паримон» команда (капитанзы Юрий Мишкин), кыкетӥ интыын -«Кынкорт» (капитанзы Александр Егоров), куинетӥ – «Кызьыайсо» (капитанзы Марина Сергеева).

Кубокъёс сяна, вормисьёслы спонсоръёслэсь (ресторанлэсь но кинотеатрлэсь), удмурт егитъёслэн «Шунды» огазеяськонзылэсь кузьымъёс сётӥзы. Вань шудӥсьёс «Шудком» гадьпусъёс басьтӥзы. Озьы ик ваньмызлы умой кузьым луиз Светлана Ручкиналэн кырӟамез.

“Выль ар сыӵе шудон пӧрмиз, капчи мылкыдо. Юанъёс шуизы капчиесь вал. Тыршимы капчиоссэгес нырысь пуктыны, азарт мед луоз, мед тодылозы но мылкыдзы мед ӝутскоз шуыса”, – вера Алина Чернова, удмурт егитъёслэн «Шунды» огазеяськонзылэн тӧроез.

«Шудком» шудон пумен тросгес адямиосты кыске. Радъясьёслэн верамзыя, куинетӥ сезон ӵоже шудонэ пыриськем командаослэн лыдзы 34-ёзь вуиз. Нырысетӥ сезонын 10-лэсь кӧня ке тросгес командаос вал. Со сяна, «Шудком» быдэс элькунын пумен вӧлме. Шудонъёс Пичи Пурга, БалезиноМожгаАлнаш ёросъёсын ортчытъязы ни, нош Кияса ёрослэн «МИА» командаез Ижкаре пумиськонъёсы ветлэ.

Тодэ вайытом, «Шудком» — «Что? Где? Когда?» но «60 секунд» выллем шудон. Удмуртиын ӵектос 2016-тӥ арын кутскиз. Котькуд пумиськонын командаос 27 юанлы валэктон сётыны кулэ, соосты «Что? Где? Когда?» лигалэн улосвыл ёзэтэз дася, кӧняез ке удмуртлыкен, Удмуртиен яке финн-угор дуннеен герӟаськемын луо. Быдэс шудон удмурт кылын ортче.

https://udmurt.media/udm/news/kultura-i-turizm/47584/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий