«Шудкар» волонтёръёсты будэтоз

Туэ удмурт нылпиослэн «Шундысиос» движенизы лагерез 4-сэ ортчытэ ни. Со Элькунысь 7-тӥ-11-тӥ классын дышетскисьёс понна радъяське. Отчы «Шунды» огазеяськонлэн но «Шундысиос» движенилэн мыло-кыдо ёзчиосыз люкасько. Оглом лагерь 25 адямиез пумиталоз.

«Туэ, 9-тӥ калыккуспо «Окно в небо» фестивале пыриськыса, пиналъёсмы волонтёрлэн уженыз тодматскозы, — вера «Шундысиос» движенилэн кивалтӥсез Наталья Казакова, — дышетскозы но ужалозы но. Азьло аръёсы сямен ик соостыудмурт кылын аспӧртэм ужрадъёс но тунсыко пумиськонъёс возьмалозы».

Озьы ик пиналъёс психологен ужалозы, пӧртэм треннингъёсты ортчозы.

Лагере шедён понна куриськонъёс 24-тӥ инвожоозь кутӥсько. Куронъёсын пыр-почгес «Вконтакте» вотэсбамын «Шудкар» огинын (https://vk.com/shudkar) тодматскыны луэ.