Шаркан ёросысь «Удмурт кенеш» огазеяськонэзлэн Правлениез люкаськылӥз

Кенешонэ пуктэмын вал таӵе юанъёс:

1.Удмурт кылэз Шаркан ёросысь школаосын дышетон, кыче амалъёсын, кӧня час.
2.Г. Е. Верещагин нимо ёрос премилы дасям кандидатураосты учкон.
3.Шаркан ёросысь»Удмурт кенеш» огазеяськонэзлэн 2020-тӥ арлы планэз, дэмланъёс.
4.Мукет юанъёс.

Нырысетӥ юанъя вераськиз ёрос Администрациысь дышетонъя ёзэтэныз кивалтӥсь В.А.Туров. Солэн верамезъя, 72 % пиналъёс Шаркан ёросын дышето школаосын удмурт кылэз.

«Кыкетӥез юанъя туэ туж секыт вал Правленилы огкыл шедьтыны, малы ке шуоно Правление келямын вал куинь адямилы ходатайствоос, характеристикаос но портфолиос. Куинез ик кандидатъёс туж бадӟым уж нуо ёросын удмурт культураез, кылэз, сямъёсты но йылолъёсты утён понна. Нырысьсэ туэ «тайное голосование» амалэн Г.Е.Верещагин нимо лауреатэз быръёно луиз. Но, сое вераны, шараяны али вазь на», — ивортэ «ВКонтакте» мерлыко вотэсбамаз «Удмурт кенеш» огазеяськонлэн Шаркан ёросысь ёзэтэныз кивалтӥсь Елена Перевозчикова.