Шаркан ёросын чузъяськоз «Эру»!

Шаркан ёросын чузъяськоз «эру»! 1 Иворъёс

«Шунды» огазеяськонысь егитъёслэн ӟеч сямлы пӧрмиз ини гужем шорын Шаркан ёросын люкаськыны. 22-тӥ пӧсьтолэзе Зар-Вишур гуртын быдэ вуонлы сӥзем «Эру» шулдыръяськон ортчоз.  

Вашкала удмуртъёс ӵапак та праздникъёс дыръя эскерылӥзы, дасесь ни-а нылпиоссы бадӟым улонэ вамыш лэсьтыны: быгато-а пу пильылыны, сиён пӧраны, черсыны… «Шунды» огазеяськон вашкалаослэсь сямъёссэс уг вунэты, туала егитъёслэсь но быгатонлыкъёссэ эскере.

Таяз радэ «Эруын» 8 команда вожвылъяськоз, Шаркан палъёсы Удмуртиысь, Татарстанысь но Башкириысь удмурт кылын вераськись пиналъёс люкаськозы. Соосты пӧртэм могӟетъёс возьмалозы: соос ужаны, сцена вылын асьсэдыз возьыны быгатэмзэс возьматозы. Радъясьёс егитъёс понна мастер-классъёс, кинопоказ дасяллям на.

Дышем сямен котькуд командаысь 1 нылаш но 1 пияш «Кык дыдыкъёс» вожвылъяськонэ пыриськозы. Праздник кутскоз 10 часын.

Поделитесь с друзьями:
Дом Дружбы народов