Шаерысьтымы йӧскалык культураосты утись но азинтӥсь егитъёс люкаськозы Можга педколледже

Миым йӧскалык культураослы сӥзем фестиваль педколлеж понна гинэ радъяськиз, нош туэ со элькунысь дышетонъя но наукая министерстволэн ужан радлыказ пыриз.

Педколледжысь этонокультурая центрлы 2 ар гинэ ай. Можга педколлеждысь студентъёс сяна, солэн ужаз али мыло-кыдо пырисько карысь ик гурт удысъя колледжын, эмучилищеын но УдГУ-лэн ёзэсаз дышетскисьёс.

«Кытын ке но йӧскалык кусыпъёс — со бадӟым шугъяськон, — шуэ Можга педколледжысь этнокультурая тодон-валан сётонъя центрысь ӧнерчи Эльвира Шумилова, — малы ке шуоно туала вакытэ калыкъёслы туж секыт ог-огез валаны. Та центрамы, мон шодӥсько, кызьы дышетсконниосысь выжы калыкъёс огазеясько. Нырысь соослы туж секыт вал, 1-тӥ курсъёсын ай валамзы уг поты вал, кылсярысь, малы мон та калкылэсь эктонзэ дышетом шуыса. Нош ми валэктыны тыршиськом, кодькуд калыклэн аслаз чеберез, аслаз культураез».

Этнокультурая центр огазея удмуртъёсты, ӟучъёсты, бигеръёсты, поръёсты но чувашъёсты. Татын соос одӥг семья кадь, асьсэлэсь культуразэс утем но азинтэм сяна, гажало но сӥлы каро мукет калыкъёсты.

Можга педколлеждын радъяськоно йӧскалык культураослы сӥзем » Друг к другу с добром» фестивале пыриськыны 10 пала ӧнер сётӥсь дышетсконниос мылкыд каремзэс ивортӥзы ни.

http://www.myudm.ru/