Шаерысьтымы бигеръёс «Сабантуйлы» дасясько

Туэ празник историлы сӥземын. Асьсэ экспонатъёссэс ваёзы Кузёбай Герд нимо, Балезино ёрос но Глазов  музейёс.

«Чакланъёсъя, празнике 15 сюрс пала куноос вуозы. Лыктэмъёсты возьмало вал вылын ворттылонъёс, йӧсклык нюръяськонъёс но шудонъёс, пӧртэм удысъёсъя азбаръёс, Удмуртиысь но Татарстанысь крыӟась-эктӥсьёслэн концертсы», — шуиз Калыкъёслэн Эшъяськон юртысьтызы ӧнерчи Ольга Степанова.

Пусйыны кулэ, туэ вал вылын ворттылӥсьёс  3 номинациосъя дунъяськозы. Вормисьлы кузьым – така. Сое Кияса ёросысь ваёзы. Нош юбое тубыны быгатӥсьлы, огдышем сямъя, атас кузьмалозы.