Шаерысь йӧскалык огазеяськонъёс дэмен Вуж Выль арез пумитазы

Туннэ шаерамы 39 йӧскалык огазеяськонъёс ужало. Арлы быдэ соос кылъёсты азинтонэн но утёнэн герӟаськем 100 пала проектъёссэс улонэ пыӵато. Мыло-кыдо пырисько президент грантъёс понна ӵошатсконъёсы но. Миым, кылсярысь, 20-лэсь ятыр ӵектосъёс коньдон утӥзы. Туэ соос улонэ пыӵаны кутскозы.

«Ужрадъёсын ортчем ар узыр вал Ижкарысь Эшъяськон юрт понна но, — вера режиссёр Дмитрий Корепанов. — Калыккуспо ужрадъёс сярысь верано ке, пусйымонъёсыз пӧлысь со «Удмуртия-наш общий дом»- пиналъёс понна тунсыко но пайдаё проект. Озьы ик ми лэсьтӥмы вал «Интеллектуальное пятиборье» нимо ужрад. Таӵе проектъёс тросгес но тросгес мед луозы».

Туннэ шаерысь йӧскалык огазеяськонъёсты одӥг ужпум огазея — выжы калыкъёслэсь эшлыко кусыпъёссэс тупатон но юнматон. Таӵе пумиськонъёс ӵапак эшъяськонэз кужмоятонлы ӟеч мылкыд сёто. Вуж Выль арез дэмен пусъён — выль йӧскалык ужъёсты мытонлы нош вольыт сюрес усьтоз.

http://www.myudm.ru/