Шаерамы удмурт роботъёс кылдозы
«Артэ» огазеяськон удмурт нылпиос понна «Погыли» роботостудиез кылдытон понна «Росмолодёжь» агентстволэсь 400 сюрсъем грантсэ утӥз.
Проект улсын Кузебай Герд нимо гимназилэн нылпи садъёсысьтыз но Дэри ёросысь Изгурт нылпи садысь визьнодасьёсты робототехникаен тодматозы, берло соос, нылпиосынызы ӵош удмурт роботъёсты лэсьтозы, ужъёссэс калыклы нырысетӥ Удмурт робочемпионатын возьматозы.
Проектлэн авторез Юлия Шахтина пусъе, роботъёсты удмурт мифлогия вылэ пыкъяськыса лэсьтозы шуыса, со сяна Брангурт песянайёс яке Тол Бабай тусо роботъёс кылдыны быгатозы.