Шаерамы куиськонлы сӥзем книга бордын ужало
Удмуртиысь Йӧскалык музей «Удмуртия» издательствоен ӵош выль книга бордын ужа.
«Вселенная удмуртских узоров» альбом-каталог шаерысьтымы тодмо куиськисьлэн Зоя Мазитовалэн творчествоезлы сӥземын луоз.
Солэн куэм басмаосыз, киужъёсыз юрттӥзы улӟытыны куиськонлэсь йӧспӧртэм амалзэ. Со шаермес быдэс дуннелы адӟымон кариз.
Тодады вайытомы, кемалась ик ӧвӧл Зоя Алексеевналэн вордӥськем гуртаз Кияса ёросысь Уддяди гуртын куиськонлы сӥзем «Кросна» фестиваль ортчиз. Отчы пыриськизы Удмуртиысь, Татарстанысь, Башкириысь, Марий Элысь, Москва котырысь кибашлыос.