Сергей Бодров Михаил Калашников сярысь фильм лэсьтоз
Изданилы интервью сётыкуз, режиссёр вераз, берло дыре ӧжыт снимать каре шуыса, но али солэн АК кылдытӥсь сярысь картина ласянь малпанъёсыз вань.
«Али мон «Калашников» нимо картина снимать карыны кутско, дыр. Со тодмо изобретатель Калашников но солэн АК-47 автоматэз сярысь мынам вуоноез ӵектосэ», — ивортӥз режиссёр.
ВАТСАН
Михаил Тимофеевич Калашников — ыбылӥськон тӥрлыкъя конструктор, Калашников автоматэз (АК) кылдытӥсь. Трос аръёс ӵоже улӥз но ужаз Ижкарын. 23-тӥ толсуре 2013-тӥ арын улонысь кошкиз. Ватэмын Москва улосвылысь Мытищиын Федерал ожгар мемориал шайвылысь Геройёслэн пантеоназы.