Семыке люкаськылӥзы поръёс

Семык – гужем вуэмез возьматӥсь вашкала праздник. Сое Удмуртиын 91-тӥ арысен ортчытъяло. Котькуд ар мукет гуртын. Огъя шаерамы 9 сюрс пала поръёс уло.

«Удмуртиын пор гуртъёсмы бадӟымесь ӧвӧл. Но ӵапак сыӵе пичи гуртъёсын золгес культура, сямъёс утисько, – шуэ «Ижевск-Мари» огазеяськонлэн кивалтӥсез Николай Ямаков. – Милям котькуд пор гуртамы вань самодеятельной коллективъёсмы. Тросэз соос калык нимен ветло”.

Семыкын  30 пала пор коллективъёс быгатонлыкъёссэс возьматӥзы. «Поръёс – эктӥсь калык, – вера Удмуртиысь пор огазеяськонлэн кивалтӥсез Анатолий Радыгин, – нош кин умой эктэ со мугорзэ йӧно возьыны быгатэ, озьыен, со усто ожгарчи, мечен кужмо ожмаськыны быгатӥсь. Соин но пор музъемъёс туж кема Иван Грозныйлы оз сётӥське».

Котьку сямен Семык шулдыръяськонын кибашлы, кужмо, лэчыт синмо луэмез эскеронъя площадкаос ужазы. Кышномуртъёс но, воргоронъёс но устоез луон понна вожвылъяськизы.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий