Секциосъя уж кутскиз Россиысь финн-угор калыкъёслэн 6-тӥ ӧтчамзы

Кыкетӥ нуналаз ӧтчаме пыриськисьёс асьсэлы тунсыко удысъя секциосы люкиськизы. Огья 4 секциос ужало:

  • «Кыл. Дышетон. Тодос»,
  • «Лулчеберет. Этнотуризм»,
  • «Экология. Таза калык»,
  • «СМИ. Иворъёсъя технологиос».

Со сяна, егитъеслы но ужбергатонлы сӥзем котырес ӝӧкъёс радъясько.
«Мынам пыриськеме потэ „Кыл но дышетон“ секцие. „Нылкышно кенешын“ милям трос ӵектосъёс кылэз азинтонъя. Мар ке но выльзэ, выль технологиосты уже мед пыртомы шуыса, сое мынам кылэме потэ», – шуэ «Удмурт нылкышно кенеш» огазеяськонлэн кивалтӥсез Надежда Степанова.

Надежда Степанова сюлэмшугъяськонзэ вераз, али школаосын кужмысь кылэз дышетонтэм пумысь эскеронъёсын валче, удмурт кылэз дышетыны мылкыд карисьёслы сое нокытын дышетыны луоз шуыса кышкытлык вань. Кылсярысь, Башкортостанысь 2 школаос удмурт кылэз планазы кутӥллямтэ ни.

Камсьӧр удмуртъёслэн кивалтӥсьсы Флюра Чибышева лулчеберетъя но этнотуризмъя секцие пыриськиз.

«Лыктӥ мон татчы учкыны, кылзӥськыны, кыӵе улосвылъёсын мукет калыкъёс уло шуыса. Кызьы соослэн азинске лулчеберетсы. Вань-а асьмелэн соослэн кадь сыӵе ик умоез, яке асьмелэн умойгес», — шуиз Флюра Чибышева.

Камсьӧр удмуртъёслэн кивалтӥсьсы верамъя, ушъяськыны но, шуг-секытъёсты но вераны кулэ. Озьы валаны луэ, кызьы лябгес интыосты юнматыны, азинскон сюрес шедьтыны луэ.

Тодэ вайытом, удмуртъёс Россиысь финн-угор калыкъёслэн 6-тӥ ӧчамазы вань секциосын докладъёс лыдӟо.

http://udmurt.media/udm/news/obshchestvo/25056/

Контентмейкер, мемолог и журналист

Дом Дружбы народов
Добавить комментарий