Сарапулысь школьникъёс выжы калыкъёслэн Тол Бабайёсынызы пумиськылӥзы
![Сарапулысь школьникъёс выжы калыкъёслэн тол бабайёсынызы пумиськылӥзы 1](https://udmddn.ru/wp-content/uploads/2018/12/fp4eigb0fb4.jpg)
Пумиськонын пиналъёсты матэктись Выль арен ӟечкылазы пӧртэм выжы калыкъёслэн Тол Бабайёссы. Ужрадлэн валтӥсь мугез – калыкъёслэн Выль арез пумитан сям-йылолъёсынызы тодматон.
Озьы пиналъёс пумиськизы 10 йӧскалык Тол Бабайёсын: удмурт, бигер, пор, ӟуч, армян, чуваш, азербайджан, украин, грек, немец.
Соос йӧскалык сиёнъёсынызы куноязы, шуд но удалтон курон йылолъёсты возьматӥзы.
Покчи куноос Выль арен герӟаськем мадиськонъёсты тодэмзэс квестын возьматӥзы. Нош йылпумъяськиз пумиськон Тол Бабайёслэн флэшмобенызы но чеберъям кыз котыртӥ шулдыръяськонэн.