Сарапулын карысь лулчеберетъя йӧскалык огазеяськонъёс куспын спортъя фестиваль ортчоз

Фестивале лыктэмъёс спортлэн пӧртэм амалъёсызъя нюръяськозы, со – мини-футбол, ӝӧк выл теннис, шахмат, уян но датрс.

Фестиваль арлы быдэ 2011-тӥ арысен ортче. Со юрттэ Сарапул ёросын выжы калыкъёслы огазеяськыны, ог-огзылэсь сюлмаськонъёссэс валаны, кусыпъёссэс тупатыны. Та аръёс ӵоже фестиваль бадӟым праздниклы пӧрмиз.

Ужрадэ пыриськыны мылкыд каризы ӟуч, удмурт  лулчеберетъя Центръёс, бигер огазеяськон, азербайджанъёслэн «Достлуг» Центрзы, грекъёслэн «Никея» обществоы, чуваш йӧскалык Центрысь но немецъёслэн «Видергебурт» Центрзы.

Тазалыкез кыдатонъя «Сокол» центрын вожвылъяськонъёс ортчем бере, лулчеберетъя «Электрон» юртын  творческой коллективъёс концерт возьматозы.