Сарапулын «Гуждор шулдыръяськон» ортчиз
Ужрадын егитъёс пӧртэм ӧръёсъя асьсэлэсь быгатонлыкъёссэс возьматӥзы. Кылбуръёс лыдӟизы, кырӟазы, асьсэ исследовательской ужъёсынызы тодматӥзы. Озьы ик Сарапулысь студентъёслэн командаоссы вожвылъяськизы. Егитъёс киужъёсъя мастер-классъёсы но удмурт калык шудонъёсы пыриськизы.
«Праздникмы туж шулдыр ортчиз. Котькытын чузъяськиз удмурт кыл. Шумпотымон, егитъёсмы удмурт калыклэн лулчеберетэныз тунсыкъясько, удмурт кылэз утьыны тыршо», — шуэ «Удмурт Кенеш» огазеяськонлэн Сарапул карысь ёзэтэзлэн кивалтӥсез Раиса Трофима.