Сарапул ёросысь ӟуч культурая Общество 10 ар тырмонзэ пусйиз.

Празднике Сарапул ёросысь ӟуч лулчеберетъя центръёслэн азьветлӥсьёссы, ёрос кивалтӥсьёс, гуртъёсын улӥсьёс но вань мылкыд карисьёс ӧтемын вал.

«Сарапул ёросын калык но черк праздникъёсты ортчытон сяме пыӵаз ини, — шуиз ужрадэз усьтыкуз ёросысь ӟуч культурая Обществолэн кивалтӥсез В.П.Шумихин. – Ӟуч калыклэсь сям-йылолъёссэ будӥсь нылпиослы сётонлэн туннэ кулэлыкез туж бадӟым».

Ужрадын Обществолэн бурд улаз выль ёзчиосты пыртӥзы, огъя 50 адями, со: Сигаево нылпи садысь коллектив, Нечкиноысь нылпи кырӟанъя «Колокольчик» ансамбль но Сарапул ёросысь семьяос.

Озьы ик пумиськонын ёрос Обществолэн логотипез юнматэмын но «Спас» огазеяськонлэн ёрос ёзэтэныз кивалтӥсь быръемын. Со инты сётэмын Ирина Шихаревалы.

Шулдыръяськонэз азьланьтӥз концерт, кытын чузъяськизы Сарапул ёросын гожтэм кырӟанъёс.