Сӥзьыл Удмуртиысь ужбергатӥсьёс бизнес-миссиен Болгарие но Финляндие мынозы
«Сӥзьыл милям Болгарие но Финляндие бизнес-миссия чакламын. Со асьсэлэн ужбергатӥсьёслэн куронзы, но мон малпасько соин гинэ ум дугдэ, малы ке шуоно туннэ ми ужбергатӥсьёсты выльысь юаськомы ни, малы ке шуоно Удмуртилэн тӧроезлэсь ужзэ огдырлы быдэсъясь Александр Бречалов куриз адӟытонъёсын, шуом, карта кылдытыны, кытын бизнес аслэсьтыз ӵектосъёссэ, аслэсьтыз ӧръёссэ возьматыны быгатысал», — вераз элькунысь экономикая министр Михаил Зайцев.
Адӟытонъёсын картае Петербургысь экономикая калыккуспо форум яке Сочиысь инвестициосъя калыккуспо форум выллем бадӟым ужрадъёсты пыртозы. Озьы ик лыдметэ шедьыны быгатозы Брноысь (Чехия) машиностроениея калыккуспо адӟытон выллем удыс ужрадъёс. Соос понна огъя курон луоз — федерал яке дунне инлык.