Россиысь устоосыз 300 гурт школаос пӧлы Удмуртиысь 7 дышетсконниос пыризы

Рейтинге Удмуртиысь 8 дышетсконниос пыризы. Тодэ вайытом, 2015-тӥ арын соослэн лыдзы 6 вал, нош 2016-тӥ арын — 10.

Лыдметэз кылдытыку лыдэ басьтэмын огъя кун экзаменъёслы йылпумъянъёс, Дышетскисьёслэн огъяросси олимпиадаязы (йылпумъян но улосвыл люкетъёсаз) возьматэм азинсконъёс.

Со сяна, центр гурт школаос пӧлын нимаз рейтинг лэсьтӥз. Отчы асьме элькунысь 7 школаос пыризы:

• Алнашысь Г. Д. Красильников нимо шоръёзо школа
• Кизнерысь 1 номеро шоръёзо школа
• Киясаысь шоръёзо школа
• Эграысь 1 номеро шоръёзо школа
• Якшур-Бӧдьяысь шоръёзо школа
• Уваысь нимысьтыз тодметъёсты мур дышетонъя 2 номеро шоръёзо школа
• Пичи Пургаысь гимназия

Кылем арын Россиысь устоосыз 200 гурт школаос пӧлы Удмуртиысь 4 дышетсконниос шедизы вал.

http://udmurt.media/udm/news/obrazovanie-i-nauka/25309/