Россиысь тужгес чебер гуртъёс пӧлы Сепез но Брангуртэз пыртыны ӵектэмын

Та нуналъёсы Ассоциацие пырись муртъёс кивалтӥсенызы Александр Мерзловен чош Удмуртие вуылӥзы. Кун Думаысь депутатэн Николай Николаевен но Элькун Кивалтэтлэн тӧроеныз Ярослав Семёновен  соос Пичи Пурга ёросысь Брангуртлы но Эгра ёросысь Сеплы экспертиза лэсьтӥзы.

Делегаци «Брангурт песянайёс» ансамбльлэн творчествоеныз тодматскиз, соослы луыса гуртын пуктэм черке пыраз, Александр Пилинлэн басмалэсь но гынлэсь арбериосын музееныз тодматскизы. Песянайёс нош куноослы кырӟанъёссэс быдэстӥзы.

Нош Сепын делегаци «Бырем гуртъеслэн музеенызы» тодматскизы. Со быдэс Россиын нырысетӥез интерактивной музей луэ.

Экспертизалэн йылпумъянъёсыз возьматозы, пырозы-а удмурт гуртъёс Россиысь тужгес чебер гуртъёс пӧлы. Сыӵе инлык 5 арлы сётӥськоз.