Россиын улӥсь немецъёслэн лулчеберетъя нуналъёссы кутско

Отчы отё немец кылын, культураен вань тунсыкъяськисьёсты.

Удмуртиын фестиваль 2 арлы одиг пол ортче. Туэ Калыкъёслэн Эшъяськон юртазы лыктозы Глаз, Сарапул но Иж каръёсын улӥсь немецъёс.

«Шулдыръяськон сӥземын луоз католикъёслэн валтӥсь праздниксылы – рождестволы, — шуэ «Югендхайм» огазеяськонлэн ёзчиез Марина Симанова. – Немецъёс праздникез 25-тӥ толсуре пусъё. Фестивалямы ымусьтонэн герӟаськем кырӟан-веранъёс чузъяськозы. Соосты возьматозы лыктэм коллективъёс».