«Пётр Ильич Чайковскийлэн вордскем шаераз» фестиваль йылпумъяське

Фестивалез йылпумъясь гала концерт ортчоз Ижкарысь драмая ӟуч театрын. Крезьгуро дуннеысь тодмо артистъёсын ӵош кырӟалозы но шудозы Удмуртиысь симфони оркестр но академи хор капелла.

Нош кӧснуналэ Воткинскын Пётр Чайковскийлэн вордскемез дырысен 178 арес тырмонлы сӥзем бадӟым праздник ортчиз. Кӧня ке интыосын ужрадъёс вал. Сиё-дано усьтонэз ортчиз Чайковскийлэн музей-юртаз. Татын быдэс нунал ӵоже экскурсиос, концертъёс, мастер-классъёс, шудонъёс мынӥзы. «Юбилейный» культурая юртын Чайковскийлэн крезьгуро геройёсызлы сӥзем нырысетӥез фестиваль ортчиз.

Кызьы гожтэ аслаз вотэсбамаз элькунысь культурая но туризмъя министр Владимир Соловьёв, Воткинске быдэс дуннеысь куноос вуылӥзы: Австриысь, Клинысь, Москваысь, Казаньысь, Пермысь но быдэс Удмуртиысь. Котьку сямен ик Чайковскийлэн вордскем шаераз лыктӥзы солэн ӵыжы-выжыосыз.

http://www.myudm.ru/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий