«Птица счастья» фестиваль ортчиз Калыкъёслэн Эшъяськон юртазы

Ужрад 2 номинациосъя мынӥз: “Народный перепляс” но “Танцевальная мозаика”. Кыказ но арлыдо коллективъёс  эктыны быгатонлыкъёссэс возьматӥзы. Нырысетӥяз Удмуртиысь но Пермь улосысь ансамбльёс калык эктонъёсты быдэстӥзы, кыкетӥяз – хореографи номеръёссэс возьматӥзы.

«Азвесь» арлыдъемъёслэн эктонъя ӧрзы алигес кылдӥз, но Ижкарын сыӵе 10 пала  коллективъёс вань ини, –  шуэ «Вдохновение» ансамбле пыриськись Татьяна Назарова. – Милям репертуарамы калык но туала эктонъёс. Азьвыл уж сэрен эктыны дырмы ӧй вал ке, али, пенсие потыса, мыло-кыдо люкаськылӥськом. Туж эшъяським ини»

Концерт 3 час ӵоже кыстӥськиз. Артистъёс дуннеысь калыкъёслэсь эктонъёссэс возьматӥзы – удмурт, ӟуч, немец, испан.

Номеръёс вискын ансамбльёслэн кивалтӥсьёссы учкисьёсты куд-ог эктонъёслы дышетӥзы – берлин полькалы, москва кадрильлы, рок-н-роллы.

«Птица счастья» фестивальын тужгес но устоез коллектив шуыса пусъемын Пермь улосысь Березники карысь «Мечта» ансамбль.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий