Поръёслэн «Семык» йӧскалык шулдыръяськонзы 10-тӥ инвожое ортчоз

Ужрадэ пыриськозы Алнаш, Каракулино, Кизнер, Кияса, Пичи Пурга, Сарапул, Сюмси но Грак ёросъёсысь, Ижкарысь, Воткаысь, Можгаысь но Сарапулысь, озьы ик Татарстанысь, Башкортостанысь, Марий Элысь, Киров улосвылысь делегациос.

Шулдыръяськонын Удмуртиысь чеберлыко киужъёсъя юртъёсын лэсьтэм арбериосын адӟытон, пор шудонъёсын площадка ужалозы, йӧскалык сиён-юонъёсты пӧраны дышетонзы, усточи нылашъёслэн, эктӥсьёслэн но батыръёслэн вожвылъяськонъёссы ортчозы.

Праздниклэн радлыкез

9-тӥ инвожое:

«Кумалтыш», Пор Вожой (Мари-Возжай) гуртысь священной арамаын вӧсяськон

20.00 — Буббы гуртысь клубын пор кылын «Ял ўмбалне мужыр йўксє» («Гурт вадьсын кык юсьёс) чеберлыко фильмез учкон

20.00–23.00 — «Самырык кас», Грак черкогуртысь «Лидер» лулчеберетъя юрт азьын егитъёслы ӝыт.

10-тӥ инвожое:

10.00–11.00 — «Вашлиймаш», празднике пыриськисьёсты но куноосты Буббы гуртэ пырон азьын пумитан

11.00–11.40 — «Семык» праздникез сӥё-дано усьтон

11.40–15.00 — пор коллективъёслэн валтӥсь сцена вылын возьматонзы

«Тыматле чачавий» — усточи нылъёслэн вожвылъяськонзы

«Эн уста тавалтыш» — эктӥсьёслэн вожвылъяськонзы

«Марий патыр» — пор батыръёслэн вожвылъяськонзы

«Йоча модыш вер» — нылпиос понна пор шудонъёсын площадка

«Марий кочкыш» — «Подкогыльо» пор йӧскаылк сиёнэз но «Коман мелна» пор табаньёсты пӧраны дышетон

«Мастарлык ола» — киужъёсын адӟытон

13.00 — «Кечывал кочкыш», празднике пыриськисьёс но куноос понна сям-нерге нуназеян

15.00–16.00 — делегациосты келян.

Ватсалом, 10-тӥ инвожое Яр каргурт вӧзын бесерманъёслэн «Кӧрбан» элькун праздниксы ортчоз. 12-тӥ инвожое Ижын удмуртъёслэн «Гербер»кар праздниксы радъяськоз, нош элькун «Гербер» 17-тӥ инвожое Можга кар вӧзын луоз. 1-тӥ пӧсьтолэзе удмурт йӧскалык шулдыръяськон Москваын ӧръяськоз. 8-тӥ пӧсьтолэзе Сарапулын бигеръёслэн «Сабантуй» шулдыръяськонзы ортчоз.

http://udmurt.media/udm/news/kultura-i-turizm/20388/

Контентмейкер, мемолог и журналист

Дом Дружбы народов
Добавить комментарий