Поръёс толэз «Уярня» нимо шулдыръяськонэн келялозы

Пор калыклэн Вӧйдыр шулдыръяськонъёсыз «Уярня» шуыса нимасько. Праздниклэн тодметъёсыз толэз келян ӟуч сямъёслы тупало. Озьы калык гурезьысь нискыла, ческыт мильым сиё но куро мунёез суто.

«Уярня» поръёслэн тужгес но яркытэз но шулдырез праздниксы. Соку трос шулдыръясько, ӝожомытэм адямиен тупаны туртто, матысь адямиоссылы шунытсэс кузьмало.

Тодады вайыто, Вӧйдыр шулдыръяськонъёс 10- тӥ южтолэзе трос интыосын ортчылозы. Элькун Масленча луоз Сарапул карын. Праздник герӟалоз вашкала сям-йылолъёсты но Сарапуллэсь трос дауръем историзэ. Ужрад улсын «Вӧйдыр вамышъян» чакламын, «Вӧйдыр азбаръёс» конкурс но такмакъёсты быдэстонъя вожвылъяськон.

Ижкарын шулдыръяськонъёс ортчозы Ипподромын. Люкаськемъёс мильым веръям но валъёс вылын ӵошатсконъёсты учкем сяна, асьсэос но ворттылыны быгатозы. Кызьы шуиз Ижкар тӧролэн воштӥсез Дмитрий Чистяков, валъёс но пониос вылын ворттылонъёс ваньмызлы дунтэк луозы.

Толэз келялозы ёросъёсын но. Можга ёросын валтӥсь йылолъёсты возьматэм сяна, котькуд муниципал кылдытэтъёс арысь аре шулдыръяськонъёсазы тыршо мар ке но выльзэ пыртыны. Кылсярысь, Можга карын туэ нырысьсэ “Блинный бум” нимо площадка усьтозы. Со чакламын ляб тазалыкен нылпи будэтӥсь семьяослы.

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий