Пор лулчеберетъя элькун фестиваль ортчиз Киясаын

Фестиваль элькунысь пор огазеяськонъёслэн Кенешсылэн пумиськонэныз кутскиз. Люкаськемъёс пор егитъёслэн “Ӱжара” огазеяськонзылэн ужаменыз тодматскизы. Солэн кивалтӥсез Светлана Бугаёва пор егитъёслэн матэктись слётсы но ёросъёсысь пор азьветлӥсьёслэн тыршемзы сярысь ивортиз.

Кенешлэн пумиськоназ Сарапул ёрос кивалтэтысь ӧтем муртъёс но пыриськизы – отын туэ Семык шулдыръяськон ортчоз. Соос праздниклэн программаеныз тодматӥзы – чакламын калык костюмез возьматонъя нимысьтыз площадка кылдытыны. Люкаськемъёс ӵектонзэс умоен лыдъязы.

Кенешонэз азьланьтӥз “Театрын мастаргудыжо” (“Театральное мастерство”) возьматон. Отын  люкаськемъёслы ”Марий мыскара” (“Марийский юмор”) темалы театр постановка возьматыны дэмламын вал.

Нош крезьгур но эктон номеръёссэс Киясае ваизы Удмуртиысь пор гуртъёсысь коллективъёс. Пӧлазы  Камбарка ёросысь Шолья гуртысь “Ший памаш” ансамбль, Грак ёросысь “Возжай сем” коллектив но Сарапулысь “Келшымаш” ансамбль.

«Котькуд ёросын, котькуд гуртын вань творческой коллективъёсмы. Нош таӵе бадӟым элькун ужрадъёсын ми чылкак мукет сямен возьматӥськом асьме быгатонлыкъёсмес. Мае ми утиськом лулпушкамы – со нокызьы верантэм чебер!», – шуиз Удмуртиысь поръёслэн огазеяськонзылэн тӧроез Анатолий Радыгин.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий