- «Шудон» — 10 темая люкемын. Котькуд темая видео учкыны, отысь выль кылъёсты дышетыны но йырвизез сынаны луэ;
- Кылбуръёс, выжыкылъёс, мадиськонъёс — егит гожъясьёслэсь произведениоссэс кылзыса, соосъя юанъёслы валэктон сётыны дэмлаське;
- Удмурт-ӟуч кыллюкам — суредъёсын но шара лыдӟем кылъёсын ватсэт.
Покчиослы удмурт кылэз дышетонъя «Чингыли» мультимеди шудон кылдытӥзы Удмуртиын
Кызьы шуэмын ивортонын, шудон куинь люкетлэсь лэсьтэмын:
Шудонэз кылдытӥсьёс малпамъя, «Чингыли» шудон туж капчи амалэн быдэстэмын.
«Пиналъёс шудон амалэн анай кылэз дышетыны кутско, удмуртъёс сярысь, куазь сярысь трос выльзэ тодо, дышетско пӧйшуръёс сярысь сюлмаськыны, яратыны но гажаны вордскем шаерез», — пусъемын Удмуртиысь Йӧскалык политикая министерстволэн сайтаз.
Удысэт ивортэмъя, удмурт пиналъёсты сяна, шудон удмурт кылэз тодӥсьтэм нылпиослы но тунсыко потоз.
Ӵектос бордын «Шунды» огазеяськонлэн ёзчиосыз, Удмуртиысь Йӧскалык политикая министерство но Дышетонъя но тодосъя министерство «Мынам Удмуртие» телерадиокомпания юрттэмен валче. Проект коммерци луисьтэм огазеяськонъёслэн элькун вожвылъяськоназы вормиз но Удмурт кивалтэтлэсь субсидия басьтӥз.
Ватсалом, «Чингыли» шудонэ «Зэмос удмурт веме» акци улсын кылдытэм мультфильмъёс, «Монами» дизайн-студилэн, суредась Екатерина Мензариповалэн ужъёссы но мукет авторъёслэн суредъёссы пыризы.