Покчи пиналъёслы удмурт лулчеберетъя кружок усьтӥськиз Глазкарын

Глазкарысь «Зелёный мир» нылпи лыдӟетъюртын покчи пиналъёслы удмурт лулчеберетъя «Вуюись. Радуга» кружок усьтӥськиз. Лыдӟетъюртысь ӧнерчилэн Василиса Вершининалэн ӵектосэз Глаз ёросысь лыдӟетъюртъёсын ужасьёслэн проектъёссы пӧлын тужгес устоез лыдъямын.

Ӵектос быдэс дышетскон арлы чакламын. Кружоке 25 номеро нылпи садысь ляб кылӥсь пиналъёс кык группаен ветлозы. Удмурт кылэн но лулчеберетэн герӟаськем занятиос толэзьлы кык пол радъяськозы, ваньмыз соос вуюисьлэн сизьым буёлъёсызъя сизьым темаослы люкемын. 13-тӥ куарусёнэ ортчем «Пуксьы, буква, интыяд!» нимо нырысетӥ пумиськонын пиналъёс удмурт букваосын но кылъёсын тодматскизы.

Василиса Васильевна али турттэ удмурт калыклэсь сям-йылолъёссэ возьматыны, собере мылкыдзэ возьматыны, историчесткой ивортодэтэз одно ик вералоз, татын уггес тодо бере.

Гожъясьёсын, кылбурчиосын (тодматоз – ред.) одно ик, милям книгатэк одӥг ужрад но уг ортчы, ми лыдӟетъюрт ук. Собере со букваос, азбука, букварь но кылъёс,

– Елена Блинова, Глазкарысь «Зелёный мир» нылпи лыдӟетъюртлэн кивалтӥсез.

Со пусъе, нырысетӥ занятие бере пиналъёслэн визьнодасьсылэн туж умой мылкыдыз кылдӥз, нылпиос асьсэос но удмурт кылэз тодыны тыршо. Куд-огез соос пӧлысь Василиса Вершиналэсь удмурт кылын вазиськемзэ но валало, шуэ лыдӟетъюртлэн кивалтӥсез.

Елена Блинова верамъя, удмурт лулчеберетъя кружоке ветлыны эшшо мылкыд карисьёс луозы ке, ӵектос вуоно дышетскон арын но азьланьтӥськоз.

https://udmurt.media/udm/news/obshchestvo/42126/

Туспуктэм: «Зелёный мир» лыдӟетъюртлэн.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий